آخر هدية
يا دهر يا حكاية حقيقية = شو عملت فيك وشو عملت فيي
عليك ضحكت بالحب والأشعار= من يوم ما فتحت عيني
اشلح وأنا طاير ع موجة نار = هون بوسة وهون غنية
وترجع يا دهر بآخر المشوار = تشلح يا دهر همومك عليي
يا فيلسوف الكون يا ختيار = هدي تكفيلك الخبرية
لا تترك شموعي بلا أنوار = مطفي أنا بطرقات مطفية
لو كنت جاي ع الدني خمار =كنت بسكر ع حلم ألفية
ولو كنت ع شط الأمل بحار= بجدف بقلبي مش بأيديي
ولو كنت نحلة برافق الأزهار = وبشعر بأنو الكون برية
وع خصر سمرا لو كنت زنار = بحبا ولدوب فيها حنية
لكن أنا أغمق من الأسرار = ان خبيتها بصفحات مطوية
لا بفيق متل الورد مع نوار = ولا متل نجمة بحضن سهرية
ولك آخ .. يا راعي أنا المزمار= اجرحني بنغمة شوق وهمية
ولا بد ما زاير من الزوار = يحيد ويركي مدامعو شوية
ويحمل معو من بحتي تذكار = ع ديار فيها الزنبق مفيي
و تكون هالجيتها بالدار = تركـــــــــــــــــــض لحتى تشــــــــــــــــم ع تيابــــــــــــــــــــــــــــــو
آخر رسالة و آخر هدية